Бидний тухай

Компаний нэршил нь KazakhCraft (Казаккрафт), брендийн нэр нь Khan Craft (Ханкрафт). Манай компани бизнесийн гараагаа 2002 онд эхлэж байсан боловч албан ёсоор 2007 онд үүсгэн байгуулагдсан билээ. Түүнээс хойш тасралтгүй үйл ажиллагаа явуулсаар ирсэн ба өдгөө 174 төрлийн арьсан бүтээгдэхүүн, 36 төрлийн хатгамал бүтээгдэхүүн, 29 төрлийн эсгий бүтээгдэхүүн, 33 төрлийн бусад бүтээгдэхүүн үйлдвэрлэж байна. Арьсан барааг анх 2010 оноос Улаанбаатар хотод үйл ажиллагаа эрхэлдэг жижиг дунд үйлдвэрүүдэд захиалгаар хийлгэж, өөрийн үйлдвэрлэдэг хатгамал бүтээгдэхүүнтэй хамт экспортод Казакстан улсруу зэх зээлд гарган амжилттай борлуулж ирсэн ба 2016 оноос Улаанбаатар хотод өөрийн үйлдвэрээ нээн ажиллуулж эхэлсэн. Манай компани өдгөө нийт 47 ажилтантай үйл ажиллагаа явуулж байна.

Ханкрафт брендийн үүсгэн байгуулагч:
Хасим Нарбек
Би 1974 онд Баян-Өлгий аймагт мэндэлсэн. Зураач дизайнер мэргэжилтэй. Анх сургуулиа төгсөөд хувиараа алт мөнгөний дархан хийж байсан ба хожим нь бүргэдчидийн бүтээгдэхүүнийг гараар урлаж жуулчдад борлуулж эхэлсэн билээ. Ингээд улмаар 2002 оноос эхлэн Баян-Өлгий аймаг Өлгий хотод жуулчдын төл нэмэгдэж урлаж бүтээсэн зүйлүүд нь амжилттай борлогдож байсан болхоор анхны сувинерийн дэлгүүрээ нээж байв. Миний бие дэлгүүрээ ажиллуулж байх хугацаандаа жуулчид ямар төрлийн бүтээгдэхүүн түлхүү худалдан авч байгааг судлан, өөрийн гэргийн хамт хатгамал хээг даавуунд оёж анхны цүнхээ борлуулж байсан түүхтэй. Энэ шинээр санаачилсан бүтээгдэхүүн маань өргөжиж өдгөө бидний мэдэх Ханкрафт болсон билээ.